Cumenzà aveva tut en ina stanza da spetga – nua che Imelda Grisch ha avant bun 40 onns vis in tagl da siluetta vi da la paraid. Quel n'ha betg pli laschà cun paus ella – uschia ch'ella ha in di cumprà forsch e palpiri ed entschet cun sias emprimas provas. Dapi quel di è la dunna da 74 onns fidaivla a l'art – ha dentant adina puspè midà ses stil.
Cumenzà ha ella cun il stil classic svizzer cun il palpiri nair. Lura ha ella sviluppa ses agen stil cun spiralas e figuras. Tranteren ha ella era adina puspè fatg maletgs tut auters – fin ch'ella è arrivada tar ses stil actual: tagls da siluetta tridimensiunals.
En ils davos bun 40 onns ha Imelda Grisch exponì tar passa 40 exposiziuns ed ha era gia vendì plirs tschients da sias ovras – e tuttina resta ella fitg modesta. Ella na vesa sasezza betg sco artista – mabain plitost sco mastergnanta.