«IG offenes Davos» retschaiva Prix benevol

Il post ch'intermediescha lavur voluntara en il Grischun ha surdà per la terza giada il Prix benevol. Quest onn ha l'uniun «IG offenes Davos» retschavì il premi en la sparta «cuminanza/convivenza». Cun il premi renconuscha ed onurescha benevol Grischun lavur voluntara en il chantun.

L'uniun s'engascha per la convivenza tranter requirents d'asil ed indigens a Tavau. Numerus inscunters organisads da l'uniun gidan da demontar pregiudizis e dattan la pussaivladad ch'indigens e requirents d'asil emprendan d'enconuscher in l'auter. Plinavant sustegn l'uniun ils requirents da vegnir sur sasez.

Suandantas uniuns han era retschavì in premi da renconuschientscha per lur lavur extraordinaria en las differentas spartas:

  • Natira / ambient: Cuminanza da la scienza natirala Trimmis
  • Cultura / furmaziun/temp liber: Kulturschuppen Claustra
  • Sport: Plaiv evangelic-refurmada Tavau Plaz
  • Bainstar social / sanadad: Crusch cotschna Grischun, sistem da clom d'urgenza

RR novitads 22:00