Siglir tar il cuntegn
Inhalt

Grischun Il project Traversina perda in partenari

La chasa da tgira e d’attempads da Tusaun ha decis da betg s’engaschar vinavant en il project da fusiun da tgira Traversina.

Dunna che stumpla in rollatur.
Legenda: La chasa da tgira e d’attempads da Tusaun banduna il project Traversina. Keystone

Il cussegl da fundaziun da la chasa da tgira e d’attempads da Tusaun ha decis da betg approvar la fusiun. Quai scriva il comité directiv dal project. Cun quai resta la chasa vinavant in manaschi independent.

Co vinavant?

Ils manaschis restants, pia l’ospital da Tusaun, la spitex Viamala ed il center da tgira Andeer deploreschan la decisiun. Els ston uss ponderar sch’il project da fusiun ha fatg naufragi u sch’el duai vegnir manà vinavant en in’autra constellaziun.

La finamira dal project Traversina è quella da segirar e francar il provediment da la sanadad en la regiun da Tusaun a lunga vista.

RR novitads 15:00