Tgi che vul viagiar en il sid, dovra er oz pazienza.
- Al portal sid datti 4 kilometers colonna che munta in temp da spetga da fin 40 minutas.
- Davant il Gottard al portal nord è la colonna sa schliada
Qua vai tar la situaziun actuala da las vias e dal traffic.
Il tunnel dal San Bernardino è sonda stà serrà en omaduas direcziuns pervi dad in vehichel ch'ha brischà sin l'autovia en vischinanza da Mesocco. Las quatter passagieras da viadi en direcziun Son Gagl han constatà fim e pudì bandunar l'auto ad uras, sco che la polizia chantunala ha communitgà. Vi da l'auto hai dà in donn total. Ils pumpiers da la Mesolcina e l'agid stradal han lura pudì stizzar il fieu.
Astra avertescha da traffic da vacanzas
L'Uffizi federal da vias Astra ha gia avertì avant il cumenzament da las vacanzas da bler traffic ch'i saja da spetgar durant la stad. Sin vias grischunas èn quai cunzunt impediments sin l'autostrada A13 tranter Sargans e Zezras sco era tranter Cuira-Nord e Rehanau. Vitiers ha l'Astra er avertì da bler traffic sin diversas vias principalas grischunas. L'Uffizi federal da vias appellescha a tut ils automobilists ed automobilistas da restar sin las autostradas era sch'igl haja colonnas. Uschiglio suondian er en las regiuns collaps dal traffic.
