Siglir tar il cuntegn

Header

Illuminaziuns d'advent.
Legenda: L'advent stat avant porta – ma glischan questa giada era las illuminaziuns? Keystone
cuntegn

Illuminaziuns d'advent Uschia spargnan ins tuttina in zic energia

Bainbaud cumenza el puspè. Il temp da la glisch, il temp d'advent. Tar quel tutgan era decoraziuns e cunzunt illuminaziuns. Ma quanta energia dovran quellas insumma e pon ins cun buna conscienzia metter en las glischs en in temp d'ina eventuala mancanza?

Tgi che vul pender ina simpla chadaina da glisch vi dal pignol da Nadal sto strusch avair schletta conscienza. Quai è en cumparegliaziun cun autras chaussas en il tegnairchasa be in pitschen maglia current. Sch'ins laschass brischar l'entir december ina da quellas chadainas, pudessan ins laschar brischar quella varga sis uras il di ch'ella duvrass be uschè blera energia sco ina giada lavar vestgadira cun in program curt. Dentant fa la quantitad ora quant bler energia che vegn duvrada. Tge tips che l'electroinstallatura Elena Depuoz ha per las decoraziuns d'advent pudais Vus tadlar qua u era leger sut:

audio
L'electroinstallatura Elena Depuoz davart illuminaziuns d'advent
ord Actualitad dals 25.11.2022.
laschar ir. Durada: 3 minutas 40 Secundas.

Tips per spargnar

  • Glischs pli spargnusas: Nizzegiar illuminaziuns cun LEDs enstagl da per exempel alogen. Quellas dovran circa 1/10 da l'energia.
  • Il dretg temp: Cura dovri las illuminaziuns e cura betg? Cun in'ura da temp pon ins limitar quant ditg che las illuminaziuns ardan mintgamai ed uschia spargnar ed evitar ch'ins emblida da tschentar ora ellas.
  • Betg surfar: Sch'ins vul spargnar energia duess ins dentant betg gest surfar.
  • Spargnar en auters lieus è pli effizient: Cun auters trics pon ins spargnar bler dapli energia che cun desister d'illuminaziuns da Nadal a chasa. Per exempel cun dar aria endretg, far chaud aua en ina chazzetta cun viertgel, lavar cun programs pli curts e pli fraid u cun remplazzar vegls apparats che dovran ina massa energia.

Or da l'archiv:

video
Decoraziuns d’advent - ier ed oz
Or da Minisguard dals 03.12.2016.
laschar ir. Durada: 2 minutas 43 Secundas.

RTR actualitad 08:00

Artitgels legids il pli savens

Scrollar a sanestra Scrollar a dretga