La Surselva na vegn betg a dari dimora al champ federal da battasendas il 2021, quai ha Surselva turissem confermà envers RTR. La raschun per il NA dals organisaturs n'ha Surselva Turissem betg communitgà. Sco quai ch'il manader dal champ Samuel Hofmann ha però ditg sin dumonda gioghian facturs sco in plaz central e l'access cun meds public ina rolla centrala.
La plazza aviatica è in problem per ils organisaturs
Ordavant eri gia cler ch'er Samedan ha survegnì ina desditga. Ina raschun per refusar la candidatura da Samedan, saja stada la vischinanza tar la plazza aviatica, ha argumentà l'organisatur envers «La Posta Ladina».
Nua ch'il champ federal vegn ad avair lieu il 2021 n’è anc betg enconuschent. Sco l’organisatur dal champ ha annunzià, sajan anc trais lieus en concurrenza.
RR novitads 07:00
