Siglir tar il cuntegn

Grischun Ils «Davoser» n'appartegnan betg a Tavau

Il Tribunal federal ha refusà il recurs da l'organisaziun da la destinaziun Tavau ch'aveva fatg plant cunter detaglists svizzers. Quai perquai ch'els vendevan scarsolas da Tavau, «Davoser», fabritgadas en la Tschechia.

Massa scarsolas en in lavuratori.
Legenda: Tar la controlla d'ina scarsola da Tavau en in lavuratori a Rümlingen en il chantun Berna. Keystone

Il Tribunal federal è da l'avis ch'i na dettia nagina raschun per instradar ina procedura penala cunter ils detaglists Landi e Coop. Da quai avis eran gia la procura publica e la dretgira chantunala da Basilea. Ils detaglists avevan en lur sortiment scarsolas cun l'inscripziun «Davos» ch'èn dentant vegnidas producidas en Tschechia.

Inscripziun sin scarsola n'è betg in'indicaziun dal lieu

Cunquai che la scarsola da Tavau vegnia gia daditg producida cunzunt en l'exteriur, saja l'inscripziun sin las scarsolas nagina indicaziun dal lieu. Quella indicaziun muntia sulet ina tscherta sort da construir questa scarsola, uschia l'argumentaziun dal Tribunal federal.

RR novitads 12:00