Siglir tar il cuntegn

Header

Video
Ils pioniers dal vin biologic
Or da Telesguard dals 20.09.2019.
abspielen
cuntegn

Grischun Ils pioniers dal vin biologic

Durant ch'adina dapli viticulturs midan actualmain sin la producziun biologica, fan ils pioniers quai gia passa 30 onns.

Louis e Margrit Liesch tutgan tar ils pioniers dal vin biologic grischun. Els e trais auters viticulturs da Malans èn stads ils emprims ch'avevan fatg quai. Da rumper cun las tradiziuns – e quai durant ils onns 80 – ha procurà per in battibugl tranter ils viticulturs locals.

Pervi da la responsabladad

Per els è dentant stà cler: Els han ina responsabladad. Perquai han els suenter la decisiun mo anc producì biologicamain. E quai fitg consequent tenor standards da «Demeter» ch'ha prescripziuns anc pli strentgas che bio.
Dal moviment biologic han els fitg grond plaschair – els èn mo surstads ch'i ha durà uschè ditg.

Era il Plantahof senta ch'adina dapli viticulturs vulan midar sin bio. Perquai cultivescha er il Plantahof sin la mesadad da lur vignas biologicamain. Là fan els er tests ed experimenteschan cun products da protecziun biologics. Uschia vulan els chattar meglras schliaziuns – perquai ch'era ils products biologics èn per part dispitaivels – surtut l'arom.

TR Telesguard 17:40