La Societad grischuna dals impressaris vul meglierar ses image ed evitar sbagls en l'avegnir. Quai suenter las scurlattadas pervia dal scandal da cartels en l'Engiadina. Porscher agid duai in uschenumnà project da compliance che la societad ha instradà la stad passada. Accumpagnà vegn quest project da la Scola auta da Turitg per scienzas applitgadas.
Quest project na possia però betg scuar davent il passà, ha ditg il mainagestiun da la societad, Andreas Felix, envers il regiunal schurnal da SRF. I giaja surtut per far fit ils commembers per il futur. Tge mesiras concretas che vegnan realisadas discuteschan ils commembers da la societad l'emprim intern. La fin d'avrigl vulan ils impressaris lura publitgar ils resultats.
RR novitads 06:00