En preschientscha d'ina represchentanza da las victimas ha il cusseglier guvernativ Jon Domenic Parolini inaugurà e surdà a la publicitad il lieu da commemoraziun per las unfrendas da las mesiras repressivas. I saja fitg impurtant ch'i dettia finalmain in tal lieu per tut las unfrendas. Plinavant vul la regenza gidar cun quest lieu da commemoraziun ch'il passà na crodia betg en emblidanza. Uschia vegnian era las generaziuns futuras confruntadas cun quest stgir chapitel, ha declerà Parolini.
audio
Saira: Lieu da regurdientscha per unfrendas da mesiras repressivas
ord Actualitad dals 09.11.2018.
laschar ir. Durada: 2 minutas 16 Secundas.
Mument emoziunal per las unfrendas
Ina da las unfrendas preschentas è stada Uschi Waser. A la fin da l'inauguraziun ha ella prendì il pled ed engrazià per il lieu da commemoraziun. Ella haja survegnì pel giaglina, cura ch'ella haja vesì quest lieu da regurdientscha.
Legenda:
La tabla da commemoraziun che regorda a las unfrendas.
RTR, GIAN CARLO CANDINAS
RR actualitad 17:00
