Siglir tar il cuntegn
cuntegn

Grischun In onn cun bler si e giu

Il cartel da fabrica, elecziuns u la lavur en lur departament. L'onn 2018 è stà per la regenza in onn plain differentas sfidas.

Regenza Grischuna.
Legenda: La regenza Grischuna mira enavos sin in onn cun bleras sfidas. RTR

Elecziuns, votaziuns e cartels – Mintga cusseglier guvernativ ha gì da cumbatter cun sfidas. Il cartel d'impressaris era ina da las grondas, surtut per Jon Domenic Parolini. Parallel cun il cumbat electoral ha el stuì sa fatschentar cun bleras reproschas. Ils impressaris han dentant er fatschentà Mario Cavigelli. Sco president da la regenza Grischuna è el stà en il focus. Vinavant è l'iniziativa encunter la chatscha speziala stada ina gronda sfida per el.

WEF, finanzas e votaziuns

La pli gronda sfida da Christian Rathgeb è stada al cumenzament da l'onn. Sco minister da segirtad è il WEF a Tavau cun tut ses giasts prominents stà ina gronda, ma era bella sfida. Martin Jäger è dentant sa fatschentà da las votaziuns. Per l'emprima giada sco cusseglier guvernativ ha el gì votaziuns che han pertutgà directamain sia lavur.

Sco ministra da finanzas han surtut ils raps fatschentà Barbara Janom-Steiner. La pli gronda sfida: la refurma da la gulivaziun da finanzas.

RR actualitad 17:40