Siglir tar il cuntegn

Header

cuntegn

Grischun In pass enavos – per vegnir plirs pass enavant

Suenter che la giuvna designra da Tumein Anna Laura Klucker ha investì durant in onn tuttas forzas per ses label da moda – guarda ella oz ord in'autra perspectiva sin ses siemi.

Video
Anna Laura Klucker ha vulì ses agen label da vestgadira
Or da Telesguard dals 29.01.2020.
laschar ir

Fin la stad dal 2019 ha ella gì temp per guardar, sch'igl è pussaivel da viver da ses label da moda. Quella limita aveva Anna Laura Klucker sa mess ed interrut perquai il 2018 ses studi a la Scol'auta dals arts a Turitg. Durant quel onn ha ella realisà in'atgna revista da moda, pliras collecziuns – sco era in grond fotoshooting cun sia moda da nozzas. Savens ha ella pudì sa preschentar ed ha era survegnì ina tscherta publicitad.

Malgrà ch'ella ha dà tut – investì temp e raps ed è vegnida a ses cunfins – ses label ha mai rendì. Uschia è ella – dischillusiunada – puspè returnada a la scola. Quel apparent pass enavos ha dentant dà distanza, prendì il squitsch e puspè purtà il plaschair.

Plaun plaunet portan sias grondas investiziuns era fritg. Ella ha pliras incumbensas ed ha cuntanschì ina gronda finamira: La participaziun tar la fiera da nozzas a Cuira. Quai gia in onn pli baud che previs – ed: sin dumonda. Las organisaturas èn numnadamain persvadidas dal concept dad Anna Laura ed han vulì dar ad ella quella pussaivladad.

Ussa guarda Anna Laura ord in'autra perspectiva sin ses siemi. Ed er sch'ella ha anc adina grondas ambiziuns – è ella vegnida pli calma e prenda in di suenter l'auter.

RTR Telesguard 17:40

Dapli da Grischunavrir la Landingpage

Nach links scrollen Nach rechts scrollen