Siglir tar il cuntegn
Inhalt

Grischun In plazzal gigantic per in vitg pitschen

Il plazzal per la construcziun dal nov tunnel da l'Alvra dominescha per il mument il maletg da la cuntrada da Preda – dentant betg mo quai.

Legende: Video Preda è sa midà cun il plazzal dal tunnel da l'Alvra abspielen. Laufzeit 02:27 Minuten.
Or da Telesguard dals 01.10.2018.

Il vitg da Preda ha gnanc diesch abitants – tuttina marscha il mument ina massa. Sin il plazzal dal nov tunnel da l'Alvra vegn lavurà di e notg – ed il plazzal occupa bler plaz. Quai n'influenzescha betg mo la cuntrada, mabain er la hotellaria en vischinanza.

L'hotel Preda Kulm, gist sper il plazzal, haja tras il plazzal pli paucs giasts che stettian sur notg. Els possian dentant cumpensar quel deficit cun ils lavurants da construcziun che mangian lur gentar en il restaurant. Quai pretendia da l'hotel dentant era – auter che normal – in manaschi durant l'entir onn. E quai vul era dir custs da persunal durant l'entir onn. La fin finala saja il quint dimena pli u main equilibrà.

Era l'albiert Sonnenhof, ch'è in pau plinenvi dal plazzal, senta in effect. Lur giasts regulars – amaturs da la natira – sajan numnadamain nagins fans da tals plazzals gigantics. Uschia na vegnan era betg tants sco usità. Er il Sonnenhof possia dentant cumpensar quai cun lavurants che pernotteschian mintgatant en l'albiert.

Telesguard 17:40