Siglir tar il cuntegn

Header

audio
Milan e Vladan Stijovic han ragischs en Serbia
Or da Actualitad dals 30.07.2022.
laschar ir. Durada: 3 minutas 11 Secundas.
cuntegn

In viadi cun tradiziun Vacanzas en la patria Serbia

Donat (Val Schons) – Sopot (Serbia), quest viadi fan ils dus cusrins Milan e Vladan Stijovic stedi. Schon sco mattatschs han els passentà mintga vacanzas a Sopot, nua che lur famiglias han in domicil. Entant èn ils dus giuvens da 26 e 32 onns sezs sin viadi cun l'auto.

Tgi che manegia ch'ils dus giuvens fan il viadi cun l'auto en la Serbia per blagar cun lur vehichel, lez sbaglia. Vladan e Milan Stijovic fan quai or da raschuns praticas. Il viadi da Donat a Sopot duria circa tuttina ditg cun l'auto sco sch'els sgulassan cun l'aviun. Per l'autra saja l'auto pli pratic, ed els sajan independents ed er en il lieu da destinaziun mobils.

Il viadi en in zic

Il viadi dura al minimum 12 uras, ed ils circa 1'250 kilometers na fan els betg patgific cun pausas e durmir tranteren. La finamira saja dad ir en in toc. Fermà vegn be per tancar u per svelt ir per in café. Sch'els fan il viadi en plirs, lura midan els giu cun manar, quel ch'è il pli fit manischa l'auto. Sch'in dad els va sulet, lura han ils dus cusrins differentas filosofias. Vladan Stijovic sa metta direct suenter la lavur en viadi, Milan Stijovic guarda il pli ch'el po durmir in pèr uras avant ch'el sa metta sin via en direcziun Serbia. Adina per mauns durant il viadi da circa 12 uras cun l'auto èn: cafein, nicotin ed insatge da mangiar.

Quest onn èn ils cusrins da Donat schon stads quatter giadas en Serbia, saja quai be per passentar la fin d’emna, sco giasts ad ina nozza ubain per ina u duas emnas vacanzas. Sch’els èn en Serbia visitan els er lur parentella, insatgi saja adina d’enturn.

RTR actualitad 07:00

Artitgels legids il pli savens