Siglir tar il cuntegn

Header

audio
Saira: Di mundial da l'autissem – ina pertutgada raquinta
Or da Actualitad dals 02.04.2019.
laschar ir. Durada: 3 minutas 4 Secundas.
cuntegn

Grischun Ina pertutgada raquinta

Co ch'igl è da viver cun l'autissem: Michela Lardi dat in'invista en sia vita.

Michela Lardi è naschida e creschida si a Cuira. Sco uffant era ella sa retratga, fascheva termagls persula. Ella observava pli gugent ed aveva in egl per ils detagls.

Mia mamma pensava a l'entschatta che jau n'audia betg bain, perquai che jau era uschè ruassaivla e na discurriva betg.
Autur: Michela Lardi

Michela Lardi ha pir cumenzà a discurrer cun 5 onns. Suenter intginas consultaziun tar ils medis è vegnì diagnostitgà il sindrom d'Asperger. Il sindrom d'Asperger è ina da las trais furmas d'autissem.

Michela Lardi è vegnida promovida gia pli baud da geniturs, terapeuts e pedagogs curativs.

Sch'jau na fiss betg vegnida promovida en questa moda, na fiss jau mai nua ch'jau sun uss.
Autur: Michela Lardi

Oz viva la dunna da 39 onns persula, va en vacanzas, lavura - maina ina vita independenta. Ina vita pli u main «normala», sco che Michela Lardi di.

RR actualitad 17:00

Artitgels legids il pli savens