-
Bild 1 von 9. Il mainascola Gion Caviezel vesa la nova scola sco gronda plivalur per la vischnanca. Bildquelle: RTR, Lukas Quinter.
-
Bild 2 von 9. La gronda halla da gimnastica è emplenida cun glieud interessada. Bildquelle: RTR, Lukas Quinter.
-
Bild 3 von 9. L'entira scola chanta per il public. Bildquelle: RTR, Lukas Quinter.
-
Bild 4 von 9. In scolar fa in'inscenaziun teatrala –. la presidenta dal cussegl da scola Eva Waldburger prenda encunter la clav da scola metaforica. Bildquelle: RTR, Lukas Quinter.
-
Bild 5 von 9. Las novas stanzas da scola attira blera glieud –. zunt interessants èn ils novs visurs interactivs che custan var 10'000 francs il toc. Bildquelle: RTR, Lukas Quinter.
-
Bild 6 von 9. Novas stanzas da zambergiar. Bildquelle: RTR, Lukas Quinter.
-
Bild 7 von 9. In'aula porscha spazi per differents projects. Bildquelle: RTR, Lukas Quinter.
-
Bild 8 von 9. La glieud giauda l'aura chauda e festivescha l'inauguraziun da la nova scola. Bildquelle: RTR, Lukas Quinter.
-
Bild 9 von 9. Ils dus novs bajetgs da scola cun plazzas das sport e plazza da gieu. Bildquelle: RTR, Lukas Quinter.
Uss, dus onns suenter l’emprima badigliada èn las lavurs vi dal nov cumplex da scola amez la vischnanca da Claustra terminadas.
Uss èn tuttas e tuts al medem lieu
Il nov cumplex da scola cumpiglia la scoletta, la scola primara e la scola superiura. «Il pli grond avantatg è che tut las classas van uss al medem lieu a scola», declera il mainascola Gion Caviezel.
- 26 tavlas digitalas ed interactivas
- 50 plantas
- 66 tualettas
- 196 stanzas
- 257 fanestras
- 269 portas
- 777 sutgas
- 1'538 lampas
Per las scolaras ed ils scolars da Claustra-Serneus datti tut en tut bunamain 200 differentas stanzas: sper stanzas da scola per exempel er stanzas per zambregiar e cuschinar, in labor u in’aula. Er dador il stabiliment datti in'infrastructura nova – ina plazza da gieu sco era pliras plazzas da sport endadens e dadora.
Era l’infrastructura en las stanzas da scolas è nova. Per exempel: La veglias tablas da crida èn vegnidas remplazzadas cun visurs digitals ed interactivs. Uschia èsi pussaivel da projectar paginas d’internet via smartphone sin il grond visur. Vinavant è era ina marella digitala vegnida integrada che sa engrondir fitg pitschens objects u texts.
Ina lunga via
La davosa renovaziun pli gronda è stada il 1996. Dapi lura èsi stà ina lunga via tar la scola. Claustra-Serneus n’è ditg betg vegnì perina per chattar in nov lieu per la scola che duai unir tut las classas. Sco Gion Caviezel declera, haja quai durà 30 onns:
Ussa èsi gartegià a nus da chattar in spazi che tuts han vulì.
Ils 13 da december 2015 è il project vegnì a l’urna. Cun 80% da las vuschs ha il pievel da Claustra-Serneus approvà il nov cumplex da scola.
RR novitads 17:00