-
Bild 1 von 3. L'incendi dal gril ha chaschunà gronds donns vid la fatschada da la chasa. Bildquelle: MAC, Polizia chantunala.
-
Bild 2 von 3. la fatschada da la chasada è destruida. Bildquelle: MAD, Polizia chantunala.
-
Bild 3 von 3. Ha Cuira ha brischà ier in gril. Bildquelle: RTR, Danilo Bavier.
Possessurs d'ina chasa en la Ruchenbergstrasse a Cuira han duvrà mardi saira in gril da gas. Tenor indicaziuns actualas haja quel cumenzà ad arder enturn las 20:40. Ils possessurs n'han betg pli pudì evitar ch'il fieu ha tschiffà la fatschada da la chasa. Entaifer curt temp haja l'entira fatschada ars e las flommas sajan er vegnidas fin en l'intern da la chasa, scriva la Polizia chantunala.
Donns da plirs tschientmilli francs
Cura ch'ils pumpiers sajan arrivads saja l'entira auzada sut da la chasa da duas auzadas stada en flommas. Ils 40 pumpiers hajan dentant svelt gì sut controlla il fieu ed el saja stà stizzà entaifer radund in'ura. In team da l'ambulanza da Cuira saja er stà en acziun, quel n'haja dentant betg stuì agir. Plinavant sajan er pliras patruglias da la Polizia da la citad stadas en acziun.
Il bajetg ha donns da plirs tschientmilli francs. La Polizia chantunala investighescha en chaussa.
RR novitads 07:00