Cun la midada dal clima cresch' er il privel d’incendis da guaud. Perquai ch'i è pli chaud èsi sur pli lung temp sitg. Sch'i vegn alura anc vitiers in vent ferm u chametgs, s’auza il privel per incendis da guaud spert. En il chantun Grischun è il privel spezial aut, cunquai ch'i dat spundas stippas. Sch'i cumenza a brischar là en il guaud, s'avanza il fieu spert cunquai ch'el cuntanscha spert la proxima planta. Quai di l'expert per incendis da guaud da l’institut federal per la perscrutaziun da guaud, naiv e cuntrada – curt WSL.
I dat pli paucs incendis da guaud. Per il mument pudain schizunt lavurar cunter la midada dal clima e cunter la sitgira grazia a la buna organisaziun da stizzar.
-
Bild 1 von 3. L'incendi al Calanda dal 1943. Bildquelle: Keystone.
-
Bild 2 von 3. L'incendi da guaud mesolcinais dal 2016. Bildquelle: Keystone.
-
Bild 3 von 3. L'incendi da guaud a Trin dal 2017. Bildquelle: Keystone.
La Svizra saja dentant sin buna via, la prevenziun gidia. Tar la prevenziun tutga per exempel il scumond da fieu cura ch’i è sitg u era il scumond da fieus artifizials en intginas vischnancas. Tar trais da quatter incendis èn numnadamain persunas la culpa. Al Grischun gida tranter auter era l’experientscha ch’ins ha rimnà tras ils incendis ch'i ha gia dà, per exempel il grond incendi dal guaud al Calanda dal 1943.
In’autra prevenziun è la lavur d’agricultura en il mintgadi, da curar il terren. Sch'i avess da dar in incendi da guaud alura perda quest sia funcziun da protecziun per in temp. Uschia savessi esser che per exempel ina bova vegn fin tar la vischnanca.