Siglir tar il cuntegn

Header

audio
Start-up vul producir accus en il Grischun
Or da Actualitad dals 02.03.2023. Maletg: keystone
laschar ir. Durada: 2 minutas 44 Secundas.
cuntegn

Industria Start-up vul producir accus en il Grischun

La «Swiss Clean Battery» ha grondas finamiras, tenor ses CEO Roland Jung. Ella vul cumenzar cun plirs tschients lavurers e lavureras e lura sa sviluppar en in'interpresa cun 8 milliardas francs svieuta e 1'000 persunas occupadas. Quai ha Jung ditg envers il schurnal regiunal da SRF.

Il start-up vul producir accus da la proxima generaziun, uschenumnads accus da materia solida. Quels duain spargnar dapli energia ed esser pli ecologics en lur producziun e materia.

Anc da sclerir finanziaziun e schanzas economicas

Avant che l'interpresa dastga bajegiar, mancan anc pliras chaussas, di Reto Bleisch, manader da l'Uffizi per turissem ed economia:

  • Chapital da partenza: tenor CEO Roland Jung mancan anc 98 milliuns francs
  • In plan da fatschenta ch'ademplescha a las pretensiuns dal chantun
  • In tschert dumber da plazzas da lavur ed ina tscherta valurisaziun

Tenor SRF fissan sin l'areal Vial a Domat a disposiziun 150'000 meters quadrat per las ovras da producziun.

L'interpresa è gia stada trais onns en tractativas cun il chantun Turgovia. En il decurs da las tractativas è il basegn da plaz dentant s'engrondì da 30'000 sin 70'000 meters quadrat. Perquai tschertga «Swiss Clean Battery» uss in plaz en il Grischun.

RTR novitads 06:00

Artitgels legids il pli savens