Siglir tar il cuntegn
cuntegn

Grischun Iniziativa d’aua da baiver: Stritgar subvenziuns als purs

Manaschis purils duain be pli survegnir subvenziuns sch’els produceschan senza pesticids e na dattan betg preventivamain antibiotica als animals. Quai pretenda l'iniziativa «Aua da baiver». Purs grischuns na dovran betg tants pesticids dentant antibiotica dattan els preventiv als animals.

Grischun sin buna via: Sin la grafica sa vesa nua che ils pesticids vegnan duvrads il pli bler.
Legenda: Grischun sin buna via: Sin la grafica sa vesa nua che ils pesticids vegnan duvrads il pli bler. admin.ch

Ils flums Svizzers sajan in coctail da pesticids di in dals iniziants. En svizra vegnian squittadas 2'000 tonnas tissi l’onn. Tenor l’uffizi da l’ambient saja quai quasi il dubel da la Germania e da l’Austria.

Dentant en Grischun è la situaziun autra. Ils purs Grischuns na squittan betg tants pesticids sco ils manaschis purils da la bassa. Quai haja era da far cun quai che quasi mintga manaschi puril che sa tegna vi da directivas che scumondan da duvrar pesticids, ni laschan tiers quai mo per pesticids specifics.

na è betg tant persvas da l'inizitiva...
Legenda: Thomas Roffler na è betg tant persvas da l'inizitiva... Vischnanca da Grüsch
Tenor mai è l’iniziativa nunnecessaria. I è ina dumonda da mesira e basegn. Jau pens ch'i fiss faus da far scumonds generals senza resguardar la situaziun da mintgin singul.
Autur: Thomas Rofflerpresident da l'uniun purila dal Grischun

Però er avain nus en Grischun in'autra situaziun che la bassa: Nus n'avain betg prads enorm gronds cun fritgs ni verdura che nus stuain squittar cun tants pesticids.

Dentant antibiotica vegn era duvrà en grischun preventivamain. Plitost tar las vatgas da latg che sun en speranza e na dattan durant quel temp latg. Là vegn dà antibiotica era ad animals sans. La raschun saja dad evitar infecziuns da l'iver.

Cun dar antibiotica ad animals sans vegnian sustegnidas bacterias che sun resistentas a l’antibiotica. La resistenza d’antibiotica è tenor la cumissiun spezialisada per segirezza biologica il pli grond privel per la populaziun svizra.

Tge che l'iniziativa vul

Punctual per il di da l’aua inizieschan 8 abitantas ed abitants l’iniziativa «Aua da baiver netta per tuts».

Ernst Bromais (ambassadur da l'aua da l'ONU), Fraziska Herren (inizianta), Rolf Frischknecht, (protecziun dals animals), Madeleine Vakkuri-Gutknecht (inizianta), Roman Wiget ( president da la cumissiun resursas dad aua)
Legenda: Ernst Bromais (ambassadur da l'aua da l'ONU), Fraziska Herren (inizianta), Rolf Frischknecht, (protecziun dals animals), Madeleine Vakkuri-Gutknecht (inizianta), Roman Wiget ( president da la cumissiun resursas dad aua) RTR Fabia Caduff
Nus lain che las subvenziuns vegnan dadas mo pli a quels manaschis purils che desistan sin pesticids, han mo tants animals ch'i vegnan da pavlar e ch'i na dattan preventiv antibiotica ad animals sans.
Autur: Franziska Herreninizianta

Sustegn survegnan ils iniziants era dad Ernst Bromeis, l’ambassadur d’aua. Sustegn da la vart politica e dad organisaziuns n'ha l’iniziativa anc betg. Dentant sajan ils iniziants en discurs cun diversas organisaziuns da l’ambient.

RR actualitad 17:00