Mountainbikes cun motor electric èn s'etablids. Er per far turas cun skis duess uss la tecnica gidar. L’idea da «E-Skimo», in product sviluppà da Nicola Colomba da San Bernardino è in cumplet nov ski da far turas. In ski cun in bindel girant sco agid. Cun agid d'ina battaria che tegna trais uras duess er vegnir purschidas turas spezialas, uschia Colomba envers RSI. Ils skis custan 4'500 francs e vegnan per exempel purschids a Verbier en il chantun Vallais. El haja investì tschintg onns en il svilup ed è persvadì che turas da skis cun sustegn vegnan ad esser dumandadas adia dapli.
Anc en la fasa da test
Il sistem che Stefan Lang da Kreuzlingen ha sviluppà è il mument anc en la fasa da prototip e test. Ses sistem po vegnir montà sin skis existents e na dovra naginas pels spezialas ni novas. Envers Radio SRF ha el ditg ch'el quintia cun investiziuns dad in milliun francs per ir sin il martgà cun ses «e-ski».
