Il barat annual tranter la regenza grischuna e la regenza dal Principadi da Liechtenstein ha quest onn gì lieu sin il chastè Gutenberg en il Principadi. Las politicras ed ils politichers hajan discutà temas politics actuals, scriva la regenza dal Liechtenstein. Tranter auter hajan els ed ellas tractandà la lingia d'auta tensiun a Balzers, la sanaziun dal Rain per reducir la fluctuaziun dal livel da l'aua, la situaziun en il sectur da sanadad, la digitalisaziun da l'administraziun ed indrizs solars alpins.
Politica chantunala e naziunala saja be persistenta sch'ins patratgia sur ils cunfins ora e coordineschia ella cun ils vischins, ha accentuà il schef da la regenza dal Principadi da Liechtenstein Daniel Risch a chaschun da l'inscunter.