Grischun - Inscunters – in project d'art al Rosenhügel a Cuira

Installaziuns da artists sco Not Vital, Roman Signer, Dominik Zehnder ed auters fan dal parc emblidà dal Rosenhügel in lieu per chattar inspiraziun.

Il num da l'exposiziun «Inscunters» è gia per ils artists stà program. Uschia han els creà ovras ch'han da far insatge cun il Rosenhügel, cun l'istorgia ubain cun la vegetaziun.

audio

Bunura: Art sin il Rosenhügel a Cuira

03:59 min, ord Actualitad dals 31.05.2019.

laschar ir. Durada: 3 minutas 59 Secundas.

Las installaziuns èn tuttas contemporanas. Quai vul dir ch'ellas na suandan betg ad in stil, ina tecnica u ad in concept spezial. Tut sa maschaida fitg bain cun tut ils aspect dal Rosenhügel. Seraina Peer, che fa ils guids tras l'exposiziun, declera:

I duess esser in lieu da recreaziun.

1 / 4

Legenda: Sin il pli aut punct dil parc han ins ina bella survista. RTR, Lukas Quinter

2 / 4

Legenda: Seraina Peer fa guids tras l'exposiziun. RTR, Lukas Quinter

3 / 4

Legenda: La tribuna enturn la planta da Carmen Müller envida da saltar e far musica. RTR, Lukas Quinter

4 / 4

Legenda: Traffic. Ovra d'art da Peter Conradin Zumthor. RTR, Lukas Quinter

L'exposiziun avra las portas l'emprim da zercladur. Tut ils artists vegnan ad esser là per explitgar lur ovras d'art. L'occurenza cumenza da las 13:00 cun in apero. Tut en tut vegn l'exposiziun a restar sur la stad ora fin ils 29 da settember.

TSG 17:40