La regenza grischuna ha numnà Arno Lombardini sco nov manader da l'inspecturat dal register funsil e register da commerzi. El surpiglia la funcziun a partir dal prim da schaner 2025.
Il giurist Lombardini è dad Andeer e lavura gia dapli radund 20 onns per l'inspecturat. Avant ses engaschi tar il chantun ha el lavura sco advocat independent ed è stà president cirquital da l'anteriur circul da Schons.
Arno Lombardini è successur da da Ludwig Decurtins che va en pensiun suenter 37 onns en il servetsch dal chantun e suenter 22 onns sco manader da l'inspecturat dal register funsil e register da commerzi.
L'IRFRC è in post da servetsch dal Departament d'economia publica e fatgs socials (DES). Il manader da l'uffizi è suttamess directamain al schef dal DES e maina in team da 14 collavuraturas e collavuraturs. L'IRFRC inspectescha ils uffizis ed ils notariats dal register funsil, maina il register da commerzi ed exequescha la legislaziun federala davart il dretg funsil puril e davart l'acquist da bains immobigliars tras persunas da l'exteriur.