Las medias socials daventan in med adina pli impurtant en differents reguards. In da quels è la communicaziun. Infurmar auters u s'infurmar sez davart tematicas va adina meglier sin las medias socialas. Ma las vischnancas svizras utiliseschian quests meds anc in zic precaut, manegia la manadra dal studi Luzia Mattmann. En tut la Svizra han 36,4% da las vischnancas in profil sin las medias socialas. Il pli savens vegn Facebook duvrà da las vischnancas. In zic damain utilisà vegn Instagram. Ed il pli pauc vegn duvrà Linkedin. Ma en general han dapli vischnancas che l’onn avant in profil sin las medias socialas.
Grischun
En il Grischun han radund 32% da las vischnancas in profil sin las medias socialas. Quai è in zic sut la media Svizra da 36,4%. En congual cun l’onn avant saja però capità in svilup, manegia la manadra dal studi. Igl ha dà in augment da 52% il chantun Grischun dapli il studi da l’onn avant. Oravant tut haja dà in augment da profils da vischnancas sin la plattafurma Linkedin.
Il studi ha retschertgà la preschientscha da las vischnancas grischunas sin las medias socialas tenor districts. Ed era qua èn las differenzas grondas. En il district da Bernina èn per exempel tut las vischnancas sin las medias socialas. Auter saja quai en il district da Moesa, nua che damain che 10% da las vischnancas hajan in profil sin las medias socialas, uschia la manadra dal studi Luzia Mattmann. Ella di ch'i dettia en egl che vischnancas cun dapli che 10’000 abitants èn savens pli preschentas sin las medias socialas che quellas pli pitschnas. Natiralmain dettia era qua excepziuns sco Furna u Ferrera ch'èn represchentadas bain en las medias socialas, manegia la manadra dal studi.
Davart vischnancas rumantschas manegia Luzia Mattmann che bleras na fetschian betg diever da las medias socialas. Ma quellas che fan diever hajan en congual cun quants abitants ch'igl han fitg blers followers.
