Quest resultat dal process va ussa en in nov plan da collocaziun ch'è deponì enfin la fin da quest mais per ils crediturs, uschia èsi da leger en il Fegl uffizial dal chantun Grischun. Fatg concurs n'aveva betg l'Intercontinental sco gestiunaria mabain la fittadina dal hotel da luxus, la Stilli Park SA a Cuira.
Concurs be in mez onn suenter l'avertura
Be in mez onn suenter l'avertura dal hotel aveva quella stuì annunziar concurs perquai ch'ella na pudeva betg pli pajar il tschains a la Credit Suisse. Acceptan ils crediturs il nov plan da collocaziun, pon ils crediturs da terza classa quintar cun la mesadad da lur pretaisas.
Las pretaisas pli autas sco pajais e contribuziuns socialas era gia vegnidas pajadas per 100%, sco quai che Philipp Annen, manaer da l'uffizi da concurs a Cuira ha confermà sin dumonda.
RR novitads 14:00