Las interpresas en il Grischun cumbattan vinavant cun la mancanza da persunal. Per il mument è quella però sa stabilisada. Quai resulta da la nova retschertga da las organisaziuns tetgalas da l'economia en il Grischun.
Quella mussa er che las interpresas han reagì sin la mancanza da persunal ed han augmentà las pajais u er fatg pli attractiv las cundiziuns da lavur. Sco gia tar l'ultima retschertga vesan dapli che la mesadad u 56% dals dumandads lur situaziun economica sco buna, 21% schizunt sco fitg buna. Tut en tut han 409 interpresas grischunas fatg part a la retschertga.