Siglir tar il cuntegn

Header

In snowboarder che fa in grond sigl a Laax.
Legenda: Passà il zenit - era l'Arena Alva a Laax metta betg pli unicamain sin la charta ir cun l'aissa. Keystone
cuntegn

Grischun Ir cul aissa - in trend en digren

Il sport da snowboard è in dals trends ch’è vegnì ed è uss per ir. Ch’il trend maina enavos dad in’aissa danovamain sin dus aissas, concedan era ils experts.

Ir cun l’aissa u cul snowboard per esser trendy na funcziuna betg pli. Cifras ed experts din il medem: ils megliers temps dal sport dad ir cun l’aissa èn passads.

Return a 2 assas - Laax, il mecca dals snowboardists

L’Arena Alva era vegnida famusa sco mecca dals snowboardists. Era ella constatescha dentant in midament en ils ultims onns. Enstagl da snowboardists rivan vi e plis skiunzs.

La consequenza per l’Arena Alva: metter sin la carta dal sport da skis «Freestyle». Uschia, di il responsabel per sport e temp liber da l’Arena Alva, Reto Michel, duajan vegnir carmalads ils giuvens insumma sin la pista.

Era il champiun dad ina giada - Cla Mosca è returnà sin ils skis

L’onn 1993 era el l’emprim champiun mundial dal slalom gigant sin l’aissa – Cla Mosca da Scuol. Ensemen cun ses frar Fadri ha el promovì il sport da snowboard decisamain.

Cla Mosca en plaina cursa cun l'assa.
Legenda: Il champiun mundial dal 1993 sin l'aissa - Cla Mosca al World Cup sin il Jakobshorn a Tavau. Keystone

Oz, passa 20 onns pli tard, constatescha era Mosca in midament en la scena dad ir cun l’aissa. Per ir sin pista prenda er el sez savens ils skis da telemarc e lascha l’aissa a chasa.

Scuol daventa la fin d’emna danovamain center dals sport da snowboard svizzer. Als 12 e 13 da mars èn las maestranzas svizras da las disciplinas alpinas slalom parallel e slalom parallel gigant.

RTR/gl/ij

Artitgels legì il pli savens

Nach links scrollen Nach rechts scrollen