Siglir tar il cuntegn

Header

video
Tgi ha inventà il chalzer da skis? In da Tavau!
Or da Telesguard dals 08.03.2023.
laschar ir. Durada: 3 minutas 57 Secundas.
cuntegn

Istorgia da piunier Tgi ha inventà il chalzer da skis? In da Tavau!

Il chalzer da skis è vegnì inventà a Tavau – quai l'onn 1885 da Franz Heierling. L'interpresa da Heierling GmbH datti anc oz, malgrà ch'ella era vegnida cumprada ils onns 1990.

Vegnir vegn Hans-Martin Heierling or d'ina dinastia: Igl era ses basat ch'ha inventà il chalzer da skis l'onn 1885 a Tavau. Ses tat Hans Heierling l ha cuntinuà e ses bab Hans Heierling ll ha surpiglià il 1953 la fatschenta. Quella ha adina gì dapli success, ils chalzers èn stads bainvesids tar blers skiunzs da profi ed il svilup da differentas tecnologias è stedi s'augmentà. Uschia ha l'interpresa fatg in svilup da chalzers da tgirom cun curegias a chalzers cun fivlas (Schnallenschuhe).

Pli tard è lura vegnida la gronda midada dal tgirom al plastic. E vi da quella sa regorda Hans-Martin Heierling anc bain, co ses bab ha reagì. Quai saja stà l'onn 1967 cura che Bob Lange (da la marca Lange da chalzers da skis) è arrivà tar ses bab a Tavau per preschentar quest nov chalzer.

Jau sai anc, là er'jau anc in pitschen mattet, che mes bab è vegnì tut alv ed ha ditg, ussa stuain nus far insatge, qua vegn insatge nov, in nov temp cumenza.
Autur: Hans-Martin Heierling possessur Heierling GmbH

Il plastic è sa cumprovà ed ulteriuras novas invenziuns èn vegnidas cun quella. Uschia era la tecnologia d'emplenir il chalzer dadens cun stgima per avair la furma perfetga ed individuala vi dal pe. Adina dapli atlets da skis laschan furmar lur chalzers tar l'interpresa da Tavau. L'interpresa cuntanscha lur zenit ils onns 1980, cura ch'els vendan 260'000 chalzers en in onn. E lura bun 10 onns pli tard in maletg tut auter: L'interpresa vegn cumprada da Salomon.

Ils onns 1990 èn vegnids offrids pachets cumplets da vender chalzers e skis. Mes bab ha ditg che nus na faschain betg cun là. Quest risico saja memia grond.
Autur: Hans-Martin Heierling possessur Heierling GmbH

Pir ils onns 2000 han lura ils dus frars Thomas e Hans-Martin Heirling cumprà enavos l'interpresa. Il 2014 è vegnì preschentà dapi lung temp puspè in agen chalzer da skis, il model «h1». Dasperas èsi vegnì mess paisa sin la cussegliaziun ed elavuraziun da chalzers sin mesira. In chalzer cun cussegliaziun ed adattaziun custa enturn 1'600 francs. Il 2023 èn tschintg persunas emploiadas da Hans-Martin Heierling ed il focus è da producir chalzers che na vegnan betg mo reciclads mabain era d'optimar tut la tocca sin erodinamica e sin spargn da resursas. Schebain quai vegnia a dar ina proxima generaziun na saja anc betg cler, ma i fiss bel da vesair ina 5avla generaziun, manegia Hans-Martin Heierling.

Cronica da l'interpresa Heierling

Avrir la box Serrar la box

1883 – Franz Heierling avra in lavuratori da chalzers e fundescha l'interpresa da chalzers

1885 – L'emprim chalzer da skis vegn construì e vendì da Franz Heierling

1934-39 – Skiturs da renum internaziunal sco Walter Prager, Martin Fopp u Jack Ettinger van cun chalzers da Heierling

1960 – Quasi l'entira equipa naziunala svizra ed americana van cun chalzers da Heierling, trais medaglias d'aur ed ina d'argient vegnan gudagnadas als Gieus olimpics a Squaw Valley cun ils chalzers

1972 – Midada da chalzers da tgirom a chalzers da plastic

1983 – Il dumber da chalzers producids cuntanscha ses record: 260'000 pèrs chalzers vegnan fabritgads

1994-97 – L'interpresa Heierling AG vegn cumprada da Salomon

(questa cronica n'è betg cumpletta)

RTR Telesguard 17:40

Artitgels legids il pli savens