La manadra da la «Pro Natura» dal Grischun sa retira. Quai ha ella confermà envers RTR. Fin la fin da zercladur vegn ella anc a manar vinavant l'instituziun. Ella chala ord motivs persunals. Ella di che la lavur ha lià ella fitg vid la sutga da biro cun coordinar projects e far sesidas. Tuttina haja ella fatg gugent la lavur. Uschia n'è la decisiun betg stada simpla da far.
Schlargiar l'orizont
Suenter ch'ella vegn ad avair dà giu l'incumbensa, veglia ella gugent s'engaschar activamain en differents projects per la natira e l'uman. Durant in onn intermediar veglia ella lavurar sin bains purils da bio u s'engaschar en l'agid per fugitivs.
La fasa d'annunzia ha entschet l'emna vargada. Jacqueline von Arx quinta cun bleras annunzias. Fin ussa dettia gia intginas persunas ch'èn s'annunziads.
RR novitads 06:00