Jenaz Buchen - Relaschà plevon da ses uffizi

Il plevon da Jenaz/Buchen è vegnì relaschà per immediat da ses uffizi. Quai ha decis il cussegl baselgia evangelic. Il plevon haja cuntrafatg pliras giadas a las ordinaziuns da ses patrun da lavur ed a las prescripziuns da corona, scriva il cussegl en ina communicaziun. I n’existia nagina relaziun da confidenza pli tranter las duas partidas. Emprovas d’intermediar hajan fatg naufragi. Il plevon po anc far recurs cunter questa decisiun.