En la vischnanca da Küblis resta il provediment d'aua da baiver bloccà cumplettamain almain enfin gievgia avantmezdi.
Sco quai ch'il president communal Thomas Gort ha ditg envers RTR han ins ussa installaziuns provisoricas a quatter lieus en vischnanca per dar aua da baiver a la populaziun. Co ch'ins vul proveder l'aua per ils manaschis agriculs na è actualmain anc betg clar.
I possia durar plirs dis enfin ch'ins haja schlià il problem. Pertutgadas èn radund 900 persunas.
La bun'ura baud avevan ils responsabels constatà che l'aua saja contaminada. Las provas vegnan anc analisadas. Entant avertescha la vischnanca da betg utilisar u baiver l'aua, era betg sch'ins fetschia l'emprim buglir l'aua. E sch'ins haja sintoms sco fevra u diarrea aifer las proximas 36 uras, duain ins consultar il medi.
