Sco SRF Meteo ha annunzià, avevi l'onn 1959 dà 65 centimeters naiv nova il november a Sta. Maria. Era blera naiv nova hai dà la notg passada tranter Puntraschigna ed il Puschlav.
Lingia dal Bernina puspe averta
La lingia dal Bernina da la Viafier retica è stada serrada tranter Pontresina e Poschiavo pervi da las navadas. Entant curseschan ils trens puspè tenor urari.
Il glindesdi a bun'ura è stada serrada fin las 09:00 er la lingia da viafier tranter Zernez e Cinuos-chel/Brail. Entant curseschan ils trens da la Viafier retica puspè tenor urari.
Divers pass serrads
Serrads per motivs da segirezza èn il
- Pass dal Flüela,
- Pass da l'Alvra,
- Pass dal Lucmagn e
- Forcola di Livigno.
Cuvertas cun naiv èn las vias en l'Engiadina, en Val Müstair e da Vinadi a Samignun. Cun naiv sin via èsi era da far quint sin inqual via dal Grischun central e dal Grischun dal Nord.
-
Bild 1 von 12. Val Müstair. Bildquelle: David Spinnler.
-
Bild 2 von 12. La Punt-Chamues-ch. Bildquelle: RTR, Selina Chamichel.
-
Bild 3 von 12. La Punt-Chamues-ch. Bildquelle: RTR, Selina Camichel.
-
Bild 4 von 12. Schluein. Bildquelle: Jasmine Luck.
-
Bild 5 von 12. La Punt-Chamues-ch. Bildquelle: RTR, Selina Camichel.
-
Bild 6 von 12. Bos-cha. Bildquelle: RTR.
-
Bild 7 von 12. Val Müstair. Bildquelle: Miryam Fiori.
-
Bild 8 von 12. Val S. Pieder. Bildquelle: Corina Illien.
-
Bild 9 von 12. La Punt-Chamues-ch. Bildquelle: RTR, Selina Camichel.
-
Bild 10 von 12. Uors, Val Lumnezia. Bildquelle: Seraina Derungs.
-
Bild 11 von 12. Zuoz. Bildquelle: RTR.
-
Bild 12 von 12. La Punt-Chamues-ch. Bildquelle: RTR, Selina Camichel.
Privel da lavinas
En Grischun vala per gronda part in privel da lavinas considerabel – stgalim 3. Sulet en il Partenz e da la vart sanestra dal Rain è il privel sulet moderà.
RTR novitads 16:00