Las 19 chasas participantas - tranter quellas la presenting partner Banca chantunala grischuna ed il partenari da medias Radiotelevisiun Svizra Rumantscha - han registrà da la 11avla Sondalunga passa 4'800 visitaders. Quai èn 5% dapli ch'avant in onn. Organisatoricamain hajan ins dumagnàbain la grond'affluenza.
Collavuraziun cun il tschaiver da Cuira
Ina resonanza positiva haja era dà areguard la collavuraziun cun il tschaiver da Cuira ils 11 dals 11. Ina resonanza ch’è cunzunt stada d’udir bain pervi dals concerts da la musica da tschaiver Schamaroper-Poper.
Optimissem per l’avegnir
Las cifras da quest onn e cunzunt il public cuntent laschan guardar l’uniun Sondalunga cun optimissem en l’avegnir. Tuttina restia la finanziaziun d’in tal eveniment ina greva incumbensa. La finamira saja da segirar l’eveniment en la grondezza actuala per ina perioda pli lunga. Uschia duess la Sonda lunga daventar in punct fix en il chalender cultural ed in eveniment nua che las persunas activas sin il champ da cultura pon sa preschentar.
RR novitads 12:00