Siglir tar il cuntegn

Header

video
Celibat gea u na?
Or da sil punct dals 17.07.2018.
laschar ir. Durada: 1 minuta 43 Secundas.
cuntegn

Grischun L'obligaziun da celibat è da metter en dumonda

La demissiun dal plevon da Breil provochescha danovamain la discussiun davart l'obligaziun da celibat en la baselgia catolica. Quella discussiun saja dentant necessaria.

Tenor la teologa da la Scola auta da teologia a Cuira Eva-Maria Faber saja il celibat sco tal legitim. Ella haja dentant in problem cun l'obligaziun ch'existia per plevons catolics. La baselgia catolica ha gia plirs onns da cumbatter cun ina mancanza da plevons. En Svizra è il dumber dals plevons numnadamain ì enavos per la mesadad dapi ils onns 1950.

audio
Problematica dal celibat - La teologa Eva-Maria Faber prenda posiziun
ord Actualitad dals 17.07.2018.
laschar ir. Durada: 2 minutas 39 Secundas.

Tenor Eva-Maria Faber avessan differents umens interess da far plevon, sajan dentant maridads ni veglian maridar. Uschia saja da discutar tge ch'haja prioritad per la baselgia catolica: La problematica da la mancanza ni il mantegnair il celibat. Cun papa Francestg saja ina midada dentant pli realistica che pli baud. El haja numnadamain ditg als uvestgs da far propostas en quest connex. Concret è per il mument dentant anc nagut.

TR sil punct 17:50

Artitgels legids il pli savens