Siglir tar il cuntegn
Inhalt

Grischun La canera dal tren a Tavau è supportabla

La canera che la Viafier retica fa cun arrivar a la staziun da Tavau Plaz è supportabla. Cun quai n’èsi betg necessari da limitar anc dapli la ramur.

Dus trens da la Viafier retica en ina staziun
Legenda: Ils trens da la Viafier retica na fan betg memia blera canera. Keystone

Il Tribunal administrativ federal ha refusà in recurs d'abitants che pretendevan mesiras supplementaras cunter la canera. La cuminanza d'ierta, che ha fatg il recurs, aveva sa lamentà ch'ils trens tgulian a moda extrema cun vegnir en la staziun da Tavau Plaz. Tras las ramurs sajan ils abitants da dus immobiglias sa dasdads la notg e lur sanadad saja vegnida disturbada, ha quai gì num.

Limitas resguardadas

Cun refusar il recurs suonda il Tribunal administrativ federal a la decisiun da l'Uffizi federal da traffic, BAV, che aveva refusà in recurs da la cuminanza d’ierta en connex cun il schlargiament da la staziun da Tavau. La limita d’immissiuns saja vegnida resguardada. A questa conclusiun era vegnì il BAV. Ils recurrents pon uss anc sa drizzar al Tribunal federal.

RR novitads 15.00