Durant il temp medieval stuevan ils purs pajar fit al retg u a las claustras. Quai fit eran savens ovs cunigls u lieurs. Ord quai usit hai da la istorgia che las lieurs portan ils ovs da Pasca.
Simbol da fritgaivladad
La lieur stat dentant era sco simbol da la fritgaivladad en connex cun Pasca. Lieurs pon numnadamain far trais fin quatter giadas ad onn pitschens. Era l'ov stat sco simbol per fritgaivladad. L'ov simbolisescha dentant era la renaschientscha.
La lieur da tschigulatta
Durant Pasca vegnan passa 16 milliuns lieurs da tschigulatta producidas. Insumma il consum da tschigulatta è durant Pasca pli aut che da Nadal. Quella lieur da tschigulatta è era in dals motivs per la popularitad da la lieur da Pasca. L'emprima producziun en seria da lieurs da tschigulatta era durant ils onns 50 en la Germania.
La lieur da Pasca en la musica rumantscha
Era l'emprim videoclip rumantsch tracta la lieur da Pasca. Il video tar la chanzun «leivra da pasqua» da Benedetto Vigne è vegnì filmà l'onn 1985.
RR actualitad 07:00