Siglir tar il cuntegn

Header

video
Circus Maramber: L'emprim circus grischun avra la manescha
Or da Telesguard dals 11.12.2019.
laschar ir
cuntegn

La manescha è averta! L'emprim circus grischun avra la tenda

Dapi l’avrigl èn Ramona e Marco Berger vi da planisar l’avertura da l’emprim circus dal Grischun. Ed oz è l’avertura dal circus Maramber.

Il siemi da l'agen circus va uss en vigur per Ramona e Marco Berger da Domat. Els preschentan in program variant cun divers highlights artistics. «Nus vulain mussar numers da circus ch’ins ha dapi ditg betg pli vesì en il Grischun», declera il co-directur Marco Berger.

Sfidas datti tut a dubel

Percunter vegni a dar naginas preschentaziuns cun animals, perquai ch’ins na veglia betg provocar ils activists per la protecziun d’animals. In auter problem saja natiralmain che l’interess dad ir a circus, saja daventà pli pitschen. Marco Berger è conscient da quest problem. I dettia ozendi anc bleras autras activitads en il temp liber.

Ramona e Marco Berger.
Legenda: Ils dus directurs: Ramona e Marco Berger da Domat. RTR, Donat Caduff

Far circus per tuts

In visita en in circus cun l’entira famiglia po esser char. La famiglia Berger vul tegnair bass ils pretschs per l’entrada e far uschia circus per «tuts». Ina loscha – pia ils pli chars bigliets – custan 35 francs per creschids. Ils uffants pajan mintgamai 10 francs. Ils pretschs paran da carmalar la glieud. Per la premiera hajan ins gia bleras reservaziuns.

RTR Telesguard 17:40

Artitgels legids il pli savens

Scrollar a sanestra Scrollar a dretga