Christian Gartmann è «Mister catastrofa». El è quel che vegn clamà vitiers d'ina organisaziun durant temps da crisa ni catastrofa. Sia lavur è da survegnir uschè svelt sco pussaivel ina survista da quai ch'è capità, da lura respunder tut las dumondas, per part delicatas da las medias e da star en stretg contact cun persunas pertutgadas d'in discletg. Curt: El fa urden cun famas ed evitescha in caos d'infurmaziuns.
Remuneraziun per Bondo
Las bovas da Bondo han chaschunà blers dis lungs e notgs curtas a Christian Gartmann. Uss è questa lavur vegnida remunerada cun il premi dal «swiss award corporate communicator». Il premi principal «Iron Communicator» ha dentant l'interpresa ABB da Turitg gudagnà.
Gia surmuntà la proxima crisa
Tar Christian Gartmann è dapi Bondo gia capità bler. Entant ha el gia manà la proxima interpresa tras la crisa, numnadamein la Ju-Air suenter la crudada da l'aviun dals 4 d'avust. Crisas muntan per el ses paun da mintgadi. Tuttina di Christian Gartmann, ch'el saja fitg leds sche la proxima crisa na vegnia betg memia prest.
Telesguard 17:40