La notg passada pareva la glina plaina spezialmain gronda. Sin ses orbit lunar sa chatta la glina uss datiers da la terra. La glina è 14% pli gronda e traglischa 30% pli fitg ch'usità. L'ultima giada hai dà quest fenomen il 1948. Ils ultims 14 mais hai però adina puspè dà glinas spezialas.
Ina raschun speziala ch'i haja adina puspè dà glinas spezialas ils ultims mais n'haja quai betg, dì José De Queiroz, il manader da l'observatori mirasteilas a Falera. I saja plitost ina casualitad che saja fitg speziala.
Noss univers è adina en moviment e quai procura per tensiun en noss mintgadi.
Influenza sin umans, animals e natira
Era sch'il mund na va betg sut pervia da la glina, in'influenza ha ella sin nus umans. Per exempel la super glina che targlischa pli fitg ch'autras glinas. Pervi dal cler da la glina po quai esser ch'ins na vegn betg da durmir bain, er ils animals sajan però pli inquiets ch'usità.
Las glinas da las glina
- 28-09-2015: La fin da settember 2015 vainsa pudì observar la «glina da sang». La glina straglischava en cotschen.
- 09-05-2016: N'ha betg da far cun la glina dentant cul Mercur. Il planet è passà davant il sulegl.
- 31-10-2016: En sasez nagin eveniment spezial, dentant era la glina naira la fin d’october da quest onn. La glina naira è precis stada da Halloween
- 14-11-2016: Ed uss avainsa gì la super glina. La glina ch'è fitg da strusch al mund ed ins vesa ella 14% pli gronda ed ella traglischa 30% pli cler ch'usità.
Il proxim eveniment en l’atmosfera datti sur Nadal. Là passa in comet la terra. Tras il telescop observescha José De Queiroz gia oz il comet.
RTR il chavazzin dal di
