Siglir tar il cuntegn

Header

cuntegn

La tatta dal Calanda Luffa F07 viva anc adina

La luffa che manava il triep dal Calanda viva anc adina. La femella F07 è vegnida fotografada d'ina trapla fotografica. Sco Arno Puorger da l'Uffizi per chatscha ha confermà a l'agentura da novitads SDA, saja quai stà la gievgia sin il territori da Tumein. La luffa ha uss almain 12 onns, quai è remartgabel. Ils blers lufs na vegnan betg pli vegls che 10 onns.

Ensemen cun in mastgel

Sin la fotografia sa chatta era in segund luf, l'uffizi parta dal fatg che quai vegn ad esser in mastgel. Dentant probablamain betg M30, il bab dal triep. Quel n'han ins betg pli vesì suenter il matg 2019. F07 ha parturì 46 luffins dapi ch'ella è vegnida il 2011 ensemen cun M30 en il Grischun. Avant vivevan els en il Vallais.

La luffa F07 ed ins mastgel davostiers
Legenda: La luffa F07 ed ins mastgel davostiers Uffizi da chatscha e pestga dal Grischun

RTR novitads 14:00

Artitgels legids il pli savens

Scrollar a sanestra Scrollar a dretga