Ella è en il vair senn dal pled ina tur da signal. In signal per la regiun per mussar che tut è pussaivel, resumescha Marcellino Giger l'idea da la tur sin il pass Alpsu. Il president da la fundaziun raquinta da l'idea balurda da plazzar ina tur sin il pass.
Ussa, 13 onns pli tard è la tur in simbol e bain inqual turist sa sfruscha ils egls cura ch'el vesa l'emprima giada questa tur. «La valur en francs e raps n'enconaschain nus betg» di Giger, la valur da la tur saja quella ideala cun in enorm effect da reclama. Ina tur sin passa 2000 meters sur mar ch'ins spetga plitost sper la mar saja insatge uschè spezial che resta a tuts en memoria.
In siemi resta
Per la fundaziun resta dentant anc insatge auter – in siemi. Sper ina tur da signal dovria er in bastiment. Lur motivaziun saja anc adina da purtar insacura in bastiment sin il pass. Cun avair gronds siemis sa lascha er realisar forsa in bel di quel da la bartga sin il Alpsu.
Or da l'archiv:
