La sonda passada hai dà in accident da bogn en il Lago di Poschiavo. In um da 54 onns n'ha betg pli pudì or da l'aua. Pliras persunas han observà quai ed han immediat tschertgà l'um. Dus collavuraturs da l'Uffizi da chatscha e pestga èn ids or cun ina bartga a motor ed han suenter sustegnì tar la reanimaziun. Ins ha chattà el plirs meters sut l'aua ed immediat cumenzà cun la reanimaziun. Lura ha la Rega sgulà l'um en l'ospital chantunal a Cuira, nua ch'el è mort la mesemna suentermezdi.
Lago di Poschiavo In um è mort tar in accident da bogn
L'um ch'è vegnì blessà grevamain la sonda passada tar in accident da bogn è mort mesemna suentermezdi en l'ospital.
Parter
RTR novitads 15:00
Parter