Grischun - Lagobianco: Repower inoltrescha dumonda da lubientscha
La Repower ha inoltrà al chantun la dumonda da lubientscha per il project «Lagobianco». Uschia cumenzia la segunda fasa da la procedura da permissiun per il project, scriva il concern d'energia grischun.
Il project prevesa la construcziun dad in'ovra d'accumulaziun a pumpa tranter il Lago Bianco ed il Lago di Poschiavo e la renovaziun dals implants existents en il Puschlav.
Emprim vegn renovà las ovras existentas
Cunquai che la situaziun sin il martgà na lubeschia il mument betg da realisar l'ovra d'accumulaziun a pumpa, planiseschian ins l’emprim da renovar las ovras existentas, communitgescha il concern.
