Ils da Landquart han dà glisch verda per il credit supplementar da 45’000 francs per sanar l’implant da tir «Eichrank» ad Igis, uschia communitgescha la vischnanca Landquart.
Approvà il quint annual 2021
La radunanza communala ha plinavant approvà unanimamain il quint dal 2021. Quel serra cun in surpli da bundant 4,7 milliuns francs. Quai tar expensas da bundant 39 milliuns francs ed entradas da bunamain 44 milliuns francs. Las investiziuns nettas muntan a var 10,2 milliuns francs. La gronda part da quests daners vegn duvrada per construir la nova halla da sport Ried e per sanar la via da la staziun.
Era il quint annual 2021 dal manaschi industrial da Landquart è vegni approvà unanimamain. El ha serrà giu cun in plus da 572'100 francs.