Siglir tar il cuntegn

Header

cuntegn

Landquart ed ulteriurs vitgs Fiergna procura per incap en la rait d'electricitad

Tranter las 04:33 e las 04:48 n'hai dà nagina electricitad en plirs lieus en la Val dal Rain Grischuna. Ina fiergna ha procurà per in cirquit curt en la rait. Quai scriva la Repower en ina communicaziun a las medias.

L'incap haja dà en ina sutstaziun, in transfurmatur è sinaquai vegnì tschentà gì automaticamain. Il servetsch da pichet da la Repower haja reagì e pudì reactivar la rait entaifer 15 minutas.

Clientella da la Repower a Landquart, Mastrils, Maiavilla, Jenins, Fläsch ed en parts dad Igis è stada pertutgada. En tut n'han 9'500 persunas betg gì electricitad quest temp.

Fiergnas procuran adina puspè per nauschas surpraisas:

audio
Co proteger l’auto da fiergnas?
ord Co e cum dals 30.04.2019. Maletg: Keystone
laschar ir. Durada: 3 minutas.

RTR novitads 09:00

Artitgels legids il pli savens