Landquart - Mattet blessà grevamain dad in auto

A Landquart è glindesdi avantmezdi in uffant da trais onns vegnì blessà grevamain dad in auto. Quai sin ina strivla da peduns, sco che la polizia chantunala communitgescha. In automobilist da 64 onns saja stà da viadi da Landquart en direcziun Igis. Tar la strivla da peduns vuleva ina dunna cun dus uffants traversar la via. Latiers è il mattatsch da trais onns ì sur las strivlas ed è vegnì tschiffà da l'auto. L'uffant ha stuì vegnir transportà en l'ospital a Cuira cun grevas blessuras vi dal chau.