Siglir tar il cuntegn

Header

video
Lescha da Covid-19 - cunzunt ils adversaris èn preschents
Or da Telesguard dals 17.11.2021.
abspielen. Laufzeit 4 minutas 35 Sekunden.
cuntegn

Lescha da Covid-19 Cunzunt ils adversaris èn preschents

Malgrà che las retschertgas prognostitgeschan in cler Gea, las medias socialas, stgaffas da brevs e paraids da placats cloman Na. Il champ cunter la lescha da Covid dat tut, sin tut ils chanals vegn animà da dir Na ils 28 da november. Ina campagna cun in budget da plirs milliuns.

Quella reclama vegn finanziada da blers pitschens, ed uss da nov era d'inqual grond donatur.
Autur: David Casutt s'engascha cunter la lescha da Covid-19

La vart dals aderents da la lescha da Covid para da spetgar cun ils mauns en giaglioffa sin la decisiun. Placats ni flyers che fan reclama da metter in Gea en l’urna èn praticamain inexistents. Far campagna senza daners da reclama n'è dentant er betg simpel.

Ils aderents èn stads memia segirs da la chaussa. Perquai n'han els forsa betg realisà che quest tema avess prioritad e duvrass in budget adequat. Senza daners è ina tala campagna plitost be ina acziun da desperaziun.
Autur: Peter Metzinger s'engascha per la lescha da Covid-19

Tenor l’experta da marketing da la scola auta spezialisada dal Grischun FHGR è la differenza da dinamica da las campagnas per ni cunter la lescha da Covid fitg gronda. Schebain la revolta dals adversaris vegn a gudagnar cunter la segirezza dals aderents vegn a sa mussar ils 28 da november.

 

Telesguard 17:40

Artitgels legids il pli savens

Scrollar a sanestra Scrollar a dretga