Siglir tar il cuntegn

Header

audio
Duas dunnas en co-presidi?
Or da Actualitad dals 18.08.2021.
laschar ir. Durada: 02:26 minutas.
cuntegn

Lia Rumantscha Duas dunnas a la testa?

Urezza Famos e Gianna Luzio candideschan per in co-presidi da la Lia Rumantscha. Quai è sa resultà or da retschertgas da RTR. Ellas succedissan uschia a Johannes Flury ch’è stà sis ons en uffizi.

Las candidatas duain vegnir preschentadas uffizialmain a la radunanza generala da la Surselva Romontscha (SR) ils 27 d’avust. Ensemen cun l’Uniun Rumantscha Grischun Central (URGC) e l’Uniun dals Grischs (UDG) è vegnì mess ensemen ina cumissiun per tschertgar candidatas e candidats per la successiun da Johannes Flury.

Las presidentas ed ils presidents da las uniuns affiliadas regiunalas han quest onn lavurà ensemen per la tschertga da candidaturas.
Autur: Hermann Thom president da l'UDG

Il november 2020, curt suenter l’elecziun da Diego Deplazes sco secretari general da la Lia Rumantscha ha Viola Cadruvi, ensemen cun var 70 dunnas rumantschas, publitgà ina brev averta. Quella brev ha pretendì ch’ina dunna vegnia elegida per il proxim post da la Lia Rumantscha, pia quel dal presidi.

Ina soluziun che cuntenta a tuts

Na be quella pretensiun pudess uss vegnir realitad mabain era ina egualitad linguistica. Urezza Famos e Gianna Luzio sa cumpletteschian numnadamain bain, uschia Hermann Thom. L’interprendidra Famos è oriunda da Valsot. Ella è l’editura dal Piz Magazin e dal Zürichseemagazin. Gianna Luzio è oriunda da Savognin ed è secretaria generala da l’Allianza dal center. Cun il sursilvan Diego Deplazes en la posiziun dal secretari general pudessan uschia trais regiuns linguisticas esser represchentadas.

Hermann Thom
Legenda: Hermann Thom President da l'Uniun dals Grischs. RTR, David Spinnler
Ulteriuras candidaturas pon anc vegnir evaluadas. Nus na faschain dentant betg quint cun bleras.
Autur: Hermann Thom president da l'UDG

L'idea per il co-presidi avevan las candidatas sezzas – ina soluziun che plascha era a la cumissiun da las uniuns. La radunanza generala da la Lia Rumantscha, pia il termin d’elecziun, duai avair lieu ils 30 d’october a Sent. Johannes Flury, ch’è prest sis onns en uffizi na po betg pli candidar, perquai ch’el ha surpassà la vegliadetgna maximala da 70 onns.

RTR actualitad 17:00

Artitgels legids il pli savens

Scrollar a sanestra Scrollar a dretga