Siglir tar il cuntegn

Header

audio
Novas plazzas per novas sfidas tar la Lia Rumantscha
Or da Actualitad dals 23.12.2023. Maletg: RTR
laschar ir. Durada: 2 minutas 15 Secundas.
cuntegn

Lia Rumantscha Duas plazzas nov stgaffidas

La Lia rumantscha tschertga persunal. Tschintg plazzas èn dad occupar, duas da quellas èn plazzas ch'i n'ha fin ussa betg dà en quella furma.

La Lia Rumantscha ha stgaffì duas novas plazzas, numnadamain vegn tschertgà ina collavuratura u in collavuratur marketing e communicaziun ed ina manadra u in manader da projects. Il pensum da quellas duas plazzas è mintgamai dotà cun 80-100%.

Daventar pli vesaivel

Ina nova strategia na datti betg tar la Lia Rumantscha, in sa tegnia vid la strategia che la radunanza da delegads haja confermà l'atun da l'onn passà, di il secretari general da la Lia Rumantscha Markus Solinger. Quellas duas novas plazzas sajan mesiras en il champ operativ. Ina part da la strategia da la Lia Rumantscha è da daventar pli visibel ed enconuschent – e quai saja precis il punct da la plazza da marketing e communicaziun. La Lia Rumantscha fetschia schon bler sin quest champ, mo ins veglia far anc dapli per promover la vesaivladad.

Il post dal maina project saja necessari, perquai che bleras lavurs sajan partidas si en differentas partiziuns. Tar projects pli gronds possia quai daventar magari cumplex, di Markus Solinger. Cun ina persuna che saja responsabla per ils project possian ins prender ensemen il manaschi da quests projects pli effizient.

RTR actualitad 17:00

Artitgels legids il pli savens